Susana Lobo é unha moza intelixente e rebelde de dezaseis anos, filla única dun matrimonio rico. A súa vida transcorre con total normalidade ata que, un día, descobre por casualidade unha dedicatoria moi estraña nun libro de Gustavo Adolfo Bécquer que a súa nai garda entre as súas cousas de solteira.
Cando intenta descubrir que misterio se agocha tras esta dedicatoria, a súa nai reacciona con evasivas e reticencias, o que esperta na rapaza as súas sospeitas de algo turbio. Susana decide investigar pola súa conta e axiña descobre que a súa nai agocha obxectos, cartas e recordos da súa vida de solteira nun caixón agochado do seu cuarto. Estes revelan unha historia misteriosa da que nunca lle contaron nada e que ten que ver con ela.
Cada vez que a moza dá un paso adiante na súa investigación secreta, os enfrontamentos cos seus pais fanse cada vez máis amargos. Pouco a pouco, o seu mundo desmorónase. Un mundo que descobre que se sostén nunha rede de mentiras, escuridade e morte.

3º-4º ESO